As aguias reais son unha especie en perigo de extinción en Galicia. Foron habituais no noso ceo, pero en cuestión de décadas practicamente desapareceron.

Por iso dende o ano 2001 a Consellería de Medio Ambiente puxo en marcha un programa de recuperación coa solta de exemplares, sobre todo na serra do Xurés e nas montañas do oriente ourensán. Hoxe en día xa se lograron resultados, hai niños e na primavera do ano pasado xa naceron os dous primeiros polos. Isto supón unha esperanza para a recuperación desta especie que deixara estas terras hai uns 60 anos.

Fuente: CRTVG